Derbi Partizani – Tirana do të luhet në “Air Albania Stadium”. Më në fund është vendosur vendi se ku do të luhet supersfida e kryeqytetit, teksa prej javësh klubi i kuq kishte bërë kërkesë zyrtare që kjo sfidë të zhvillohej në impiant modern.
Përmes një njoftimi në kanalin zyrtar, klubi i Partizanit bën me dije që ky takim do të zhvillohet në impiantin në fjalë, të premten në orën 19:00. Tashmë priten të bëhen me dije çmimet e biletave për tifozët si dhe sektorët si do të ndahen.
