Florian Kamberi do të luajë për Kombëtaren shqiptare. FSHF ka fituar çështjen në FIFA ndaj federatës së Zvicrës. Tashmë nuk ka asnjë pengesë për Kamberin dhe Shqipërinë. Kamberi kishte vështirësi në dokumentacionin për t’iu bashkuar lehtësisht kuqezinjve për shkak se është aktivizuar më parë me moshat U-21 dhe U-19 të Zvicrës
Sulmuesi 24 vjeçar u thirr më parë nga tekniku Edi Reja por nuk mundi të bënte debutimin e tij. Kamberi aktivizohet në Skoci me ekipin e Hibernian dhe është një nga futbollistët e rinj me shumë potencial. Në 18 ndeshje në Premiership Kamberi ka shënuar 3 gola dhe ka asistuar 3, ndërsa në League Cup ka shënuar 5 gola në 5 ndeshje.
Loading ...
