Francë-Irlandë 2-1
Shësues: Brady 2’/ Griezman 58′, 61′
Formacionet
Franca: Lloris, Evra, Rami, Kanté, Griezmann, Payet, Giroud, Matuidi, Pogba, Sagna, Koscielny Trajner: Didier Deshamp
Skema: 4-3-3
Irlanda: Randolph Coleman Keogh, McCarthy, Long, McClean, Duffy, Hendrick, Ëard, Brady, Murphy Trajner: Martin O’Neill
Skema: 4-4-2
Gjyqtarë: Nicola Rizzoli, Elenito Di Liberatore, Mauro Tonolini
Stadiumi: Stade de Lyon
Pjesa e parë: Loja fillon ashtu si nuk pritej. Gjyqtari italian, Rizzola, akordon një 11-metërsh për skuadrën irlandeze, pas një pengimi në zonë. Në minutën e 3′ është Robi Brady, ai që e shndërron këtë 11-metërsh në gol. Minuta e tretë dhe irlandezët kalojnë në avantazh. Diçka që nuk pritej nga ekipi i “Gjelave”. Ndeshja bëhet më e bukur pas këtij goli. Francezët janë në kërkim të golit të barazimit, por pa rezultat. Ata e zhvillojnë lojën e tyre në gjysmë-fushën e skuadrës irlandeze. Një traumë e rëndë ai gol i minutave të para për Francën. Minuta 20′ dhe loja vazhdon me të njëjtin ritëm. Temperaturat e larta, nuk e prishin bukurinë e kësaj sfide, duke pasur një ritëm tepër të lartë. Pas një minute janë përsëri irlandezët të cilët rrezikojnë, por Hugo Lorris është i vendosur saktë në portë. Ekipet vazhdojnë me lojën e tyre, ku irlandezët mbrohen, kurse francezët janë në kërkim të golit të barazimit. Irlandezët janë gati të befasojnë përsëri, por Loris tregohet në gadishmëri. Një pjesë e parë që duket se do të mbyllet në avantazhin e Irlandezëve. Minuta e 42′ dhe irlandezët janë pranë golit të dytë. Vërtetë kërcënues në ndeshjen e sotme, ku francezët duken ta kenë të vështirë një rezultat pozitiv. Payet është pranë golit të barazimit, por pamundur të shënjestrojë si duhet. Kështu do të mbyllet kjo pjesë e parë.
Pjesa e dytë: Pjesa
e dytë fillon pas asnjë zëvendësim në kampet respektive. Francezët shfaqen rrezikshëm para portës irlandeze, por pamundur të realizojnë. Minuta 49′ dhe “gjelat” janë pranë golit të barazimit, fare afër pranë portës, por sfera nuk shënjestrohet si duhet. Matuidi në minutën e 55′ është pranë golit me një potente nga 25 metra, por portieri irlandez tregohet i gatshëm. Duhej të vinte minuta e 58′ dhe Griezman do të barazonte rezultatin. Tre minuta më vonë do të jetë përsëri Griezman, i cili gjuan nga një distancë e konsiderueshme duke shënuar golin e avantazhit për “gjelat”. Ndeshja duket e përfunduar për irlandezët pas kartonit të kuq në minutën e 66′, ku Griezman ishte pranë golit të tretë, por goditja e tij lë për të dëshiruar. Irlandezët janë të dorëzuar. Francezët kanë marrë në dorë frenat e lojës, duke e zhvendosur lojën e tyre në gjysmëfushën irlandeze. Minuta e 76 dhe Franca do të kishte mbyllur ndeshjen, por topi i goditur nga ata përfundon vetëm në traversë. Ritmi i lojës bie, pasi irlandezët po mundohen vetëm për ta mbyllur këtë takim. Francezët kontrollojnë lojën. Dalja me të kuqe për irlandezët, ka ndikuar në bukurinë e këtij takimi. Zhinja në minutën e 85′ është pranë golit të tretë, ku do të ishte goli i sigurisë për ta. Kështu do të mbyllet kjo ndeshje, ku “gjelat” vazhdojnë rrugëtimin e tyre drejt finales së Europianit.
