Një nga opsionet për t’u kualifikuat si një nga vendet e treta më të mira ra të hënën në mbrëmje, pasi Anglia nuk arriti të fitonte me Sllovakinë, por shpresat e Shqipërisë për të vazhduar më tej nuk janë shuar. Ndër shumë variante të kualifikimit, dy janë më të mundshmit. Dhe ndihma për kuqezinjtë do të vijë nga njerëz shumë familjarë për ne, nga italianët dhe turqit. Italia e Kontes ka arsye për të na bërë një nder, jo vetëm se në stolin tonë është një trajner italian, por edhe për shumë arsye të tjera. Shumë e shumë shqiptarë bëjnë tifo për Italinë dhe ja ku erdhi momenti që fqinjët të na shpërblejnë. Italia duhet të mundë Irlandën, që Shqipëria të mbetet në garë për kualifikimin.
TURQIA – Një nder e presim edhe nga turqit, të cilët shpesh na kanë konsideruar vëllezër ne shqiptarëve dhe na kanë dhënë një mbështetje të madhe në çdo fushë. Për më tepër, na e kanë një borxh. Para disa vitesh, Turqia luante në Tiranë ndeshjen e fundit në grup dhe diskutonte kualifikimin me Danimarkën. I duhej fitorja dhe ne ia dhuruam… Dhurata e vëllezërve turq për ne do të ishte barazimi me çekët ose fitorja e tyre me një gol diferencë.
Ja dhe renditja aktuale e vendeve të treta:
