Në futbollin kosovar vazhdon dhuna ndaj arbitrave nga drejtues të klubeve apo tifozëve.
Nga raportimet e fundit nga Kosova, gjyqtari Diamant Hoti, i dërguar për ndeshjen Opoja-Rilindja, në fund të kohës së rregullt është dhunuar nga persona të paidentifikuar, teksa i kanë lënë shenja të rënda në trup.
Kujtojmë që vetëm disa ditë më parë, u sulmua gjyqtari anësor i sfidës Gjilani-Llapi, po ashtu dhe në sfidën e Vushtrrisë.
Një situatë jo normale për arbitrat që ndajnë drejtësinë në Kosovë, ku shoqata për rajonin e Gjakovës dhe Pejës ka kërkuar që të merren masa konkrete nga institucionet e sigurisë.
Loading ...
