Mbrëmja gala e FSHF kurorëzoi çmimet për ‘Më të Mirët e vitit 2023’. Ndër ta ishte edhe trofeu për ‘Talentin më të Mirë’ i cili u fitua nga mbrojtësi i Laçit, Arlind Kurti. Veç Kurtit, kandidat ishin kurbinasi tjetër Ledjo Tresa dhe Ergis Arifi i Teutës.
Ky i fundit u penalizua edhe për shkak të një dëmtimi që pësoi këtë sezon i cili e mbajti jashtë fushe për disa kohë, por tani është rikthyer dhe po fiton vend në formacionin titullar të Edi Martinit. Për talentin 16-vjeçar, është kapiteni Blerim Kotobelli që i thur elozhe duke i dhënë zemër me një postim në Instagram.
Kotobelli ndan një foto me fantazistin nën diciturën: Më i miri. Ergis Arifi ka zhvilluar 12 ndeshje në këtë gjysmë sezoni duke shënuar edhe një gol në fitoren 1-0 përballë Skënderbeut në ndeshjen e 3-të të sezonit.
Lexo gjithashtu
