Prej disa kohësh po përflitet për mundësinë e shembjes së stadiumit “Selman Stermasi” dhe ndërtimin e një stadiumi të ri në të njëjtin vend, me të gjitha parametrat moderne të nevojshme.
Ende nuk ka asgjë zyrtare nga klubi i Tiranës, megjithatë në rrjet kanë filluar të qarkullojnë pamjet e projektit të impiantit të ri. Të publikuara në Facebook ( faqja ‘ShqipStadium’), stadiumi i ri “Selman Stermasi” duket të jetë pa pistë atletike, i mbuluar plotësisht dhe me rrethim LED të ngjashëm me atë të “Allianz Arena” në Mynih. Në këtë projekt nuk shfaqet ndonjë kullë, siç është përfolur, por duke qenë se investimi pritet të jetë privat nuk përjashtohet ndonjë ndryshim i tillë në projektin final.
Nëse do realizohet do të ishte gjithsesi padiskutim një përparim i madh për futbollin shqiptar, ku kryeqyteti do të kishte dy stadiume bashkëkohore bashkë me “Arenën Kombëtare”.
Loading ...
