Egnatia është hirushja e këtij sezoni të Superiores. Rrogozhinasit janë bukuria që një sport si futbolli na e shfaq ta shijojmë. Një sezon që do të mbetet në histori ishte ky që sapo u mbyll për ta. Vendi i tretë në kampionat që i siguron pjesëmarrjen për herë të parë në Europë dhe fitorja e Kupës së Shqipërisë, trofeu i parë i tyre në histori.
Protagonist në këtë sukses historik është edhe gardiani i portës Alen Sherri. Me 14 porta të paprekura, ai mban vendin e dytë pas Pano Qirkos duke kontribuar edhe në statistikën e më pak golave të pësuar të Egnatias.
Tashmë vëmendjen e kanë marrë ndeshjet e Kombëtareve dhe lista e grumbullimeve nga Sylvinho pritej me interes. Gardiani shkodran ka postuar disa foto kur stërivtej me Kombëtaren shqiptare dikur dhe kjo duket se është një sinjal për teknikun brazilian për një grumbullim në të ardhmen.
Lexo gjithashtu
