Xhuliano Skuka nuk po gjen minuta në Francë. Megjithatë kjo nuk e ka penguar atë që të jetë i përqëndruar maksimalisht me atë që ndodh në kampionatin shqiptar. Ish sulmuesi i Partizanit ka bërë një postim në rrjetet sociale ku tregon pamje nga penalltia e pretenduar e Vllaznisë kundër Tiranës.
Por, për gjyqtarin Bastari ndërhyrja e Përgjonit ishte e rregullt dhe nuk mund të ndëshkohej me 11-metërsh. Një episod i ngjashëm ndodhi edhe në takimin e djeshëm të Partizanit kundër Erzenit, ku Atanaskoski largoi sferën, por për Florian Latën ishte penallti.
Duke paralelizuar rastet dhe në formë kontestimi, sulmuesi i Metz ka bërë këtë postim në facebook-un e tij. Kujtojmë që Skuka u largua nga të kuqtë në këtë merkato dimri duke bërë një pjesë të parë sezoni fantastik. Por, në Francë duket se nuk po gjen minutat e duhura.
Lexo gjithashtu
