Sezoni 2020/21 ishte mjaft i veçantë për Partizanin. “Demat e Kuq” konkurruan deri në javën e fundit të kampionatit, për fitimin e tij dhe pse pa sukses, pasi Teuta u shpall kampion. Tre prej lojtarëve protagonist të atij Partizani ishin në repartin e mbrojtjes Eneo Bitri, mesfushës Rron Broja dhe sulmit Erald Çinari.
Rron Broja prej verës së kaluar u transferua te Drita në Kosovë, me të cilën u shpall nënkampion këtë sezon. Me një postim në rrjetet sociale nga Eneo Bitri, Rron Broja mesa duket se ka mbledhur sërish gardën e vjetër në Kosovën ku po luan.
Pikërisht të tre ndodhen në Prishtinë, pasi kanë mbyllur sezonet me skuadrat respektive. Miqësia e krijuar te Partizani i ka rezistuar kohës dhe distancës.
Poll
Lexo gjithashtu
