Arbi Laçi padyshim është një nga ata që punuan fort dhe arritën të krijonin këtë Tiranë që sot na përfaqëson denjësisht në Kupat e Europës. Kampionët e Shqipërisë luajtën dje kundër Crvena Zvezdës, ndeshje që përfundoi 0-1 në favorin e serbëve. Megjithatë performanca pozitive e ekipit shqiptar ka lënë shije të mirë tek të gjithë. Drejtori i bardhebluve ishte gjatë gjithë takimit në pankinë duke ndjekur nga afër ata që ai ka projektuar përgjatë këtij viti të vështirë së bashku me stafin teknik dhe presidentin Refik Halili.
Pas sfidës, mërzia ishte e pranishme te bardheblutë pasi nuk e meritonin humbjen në atë takim. Pikërisht për këtë, drejtori Arbi Lacci zbriti në fushë duke takuar një për një çdo lojtar. Nuk ishte koha për të ulur kokën, përkundrazi për të qenë kryelartë për atë që dhanë në fushën e blertë. Dikur lider në shkallët e tribunës, sot bën të tillin edhe në hierarkinë drejtuese të klubit. Një shembull për t'u marrë, një drejtor që punon dhe lufton fort për të arritur majën, sheh larg dhe i jep forcë grupit për betejat e radhës. Newsport.al ka siguruar disa foto ku shihet Laçi krah për krah me futbollistët bardheblu.
Lexo gjithashtu
