I dhuroi emocione tifozerisë së kuqe dhe padyshim mban gjallë ëndrrën drejt titullit kampion. Xhevahir Sukaj, ka folur pas takimit për Supersport. Ai sqaron se pse tregoi barkun dhe dyshimet e tij për gjykimin.
"Ishte një ndeshje shumë e fortë dhe ishte e domosdoshme fitorja. Ishim barazim dhe na duheshin patjetër 3 pikët. Thirrja e tifozëve dhe trajneri më futën në fushë. Më pa zoti dhe i nderova të gjithë me atë gol. Jam shumë i lumtur sepse jam rikuperuar nga dëmtimi.
Më erdhi shumë keq që më bërën me bark përpara pak ditësh. Ndaj ishte dhe momenti kur prekja barkun me dorë pas golit. Dua të theksoj që nuk jam mbipeshë dhe nuk kam turp ta lë futbollin, jam 29 vjeç dhe kam formë më shumë se më parë.
Në përgjithësi ekipet që janë në vështirësi japin më të mirën në derbi dhe arrijnë të fitojnë. E dija shumë mirë që kjo ndeshje do ishte shumë e vështirë.
Partizani ka një shpirt gare që ekipet e tjera e kanë zili. Zoti dhe fati ndihmoi ekipin më të drejtë. Kisha dyshime te gjykimi", përfundoi Sukaj.
Lexo gjithashtu
