Partizani i mori ditën e sotme Tiranës vendin e parë në klasifikim. Fitorja ndaj Kastriotit me shifrat 4-1 dhe barazimi i bardhebluve 2-2 me Bylisin ka vendosur mbi fatet e titullit.
Tashmë të dyja ekipet kryeqytetase udhëheqin me nga 64 pikë, por demat për shkak të përballjeve direkte janë të avantazhuar. Të kuqtë kanë fituar 2 derbi, një kanë humbur dhe në derbin e fundit dolën barazim.
Të gjithë tifozët e Partizanit janë në festë, pasi tashmmë fatet e titullit kampion i kanë në duar te tyre. Dueli me Teutën që do të luhet ditën e hënë në “Arenën e Demave” pritet t’i rikthejë kampionë pas 3 vitesh.
Ultras Guerrils kanë reaguar në rrjetet sociale, teksa kënë “thumbuar” rivalët e tyre të përjetshëm, ndërsa u kujtojnë fitoren në derbi, ku goli i Xhuliano Skukës do të vendoste atë sfidë. Nga ana tjetër në sfond duket edhe një banderolë e tyre pikërisht për rivalët bardheblu “Bëni bib bib tani…”.
