Thomas Strakosha ndau rrugët me Lazion dje, pas 9 vitesh bashkëpunimi. Dje lacialët luajtën ndeshjen e fundit të sezonit, që përfundoi 3-3 me Veronën dhe portieri shqiptar ishte titullar. Ky kampionat u mbyll në vendin e 5, i cili u siguron Europa League.
Mungon vetëm zyrtarizimi, pasi Strakosha do transferohet te Fulham që do luajë sezonin e ardhshëm në Premier League. Gardiani kuqezi luajti për Lazion plot 281, ndër të cilat 80 herë e mbajti portën e paprekur. Përcjellja në Stadio “Olimpico” ishte e veçantë për të.
Ndërsa ditën e sotme Lazio ka postuar në rrjetet sociale foto nga momentet e fundit, ku shkruan: “Bashkë luftuam, djersitëm dhe fituam. Faleminderit”. Me Strakoshën do largohet nga Lazio dhe Lucas Leiva që dha kontributin e tij prej vitit 2017.
Lexo gjithashtu
