Java e 15-të e Kategorisë Superiore prodhoi shumë surpriza. Tirana rikthehet të fitoi një derbi pas më shumë se 5 vitesh, ndërsa Kukësi mund thellë Teutën dhe merr vendin e parë. Laçi konfirmon edhe njëherë tjetër se është në rrugën e duhur duke mundur Luftëtarin në shtëpi me rezultatin e pastër 4-0. Fitore surprizë mori edhe Vllaznia në transfertë ndaj Skënderbeut, ndërsa Flamurtari mori një pikë shprese ndaj Bylisit. Më poshtë ju njohim me formacionin më të të mirë të javës si dhe trajnerin fitues, ku padyshim ka një dominim të lojtarëve bardheblu për atë paraqitje në derbi.

Ilion Lika (Tirana): Paraqitje fantastike e portierit bardheblu ndaj Partizanit. Shpëton skuadrën shumë herë nga goli dhe është I pafajshëm te goli I shënuar nga Bardhi. Bën 2 pritje të njëpasnjëshme dhe loja duhej të ndalej për pozicion jashtë lojë, ndërsa mposhtet te gjuajta e 3-të e sulmuesit të kuq.

Gent Muça (Tirana): Egbo I beson atij një vend titullar në një ndeshje delikate si ajo në derbi. Qendërmbrojtësi  e ka eksperiencën e duhur dhe forma e tij ka ardhur gjithmonë në rritje. Në shumë raste është i pakalueshëm dhe tashmë mund të quhet pa frikë se Muça është rikthyer si në kohët e tij më të mira.

Ndriçim Shtubina (Vllaznia): Shënon një gol spektakolar ndaj Skënderbeut me rrofeshat dhe I jap 3 pikë të çmuara Vllaznisë. Shtubina është kthyer në një nga lojtarët kyç të ekipit në çdo ndeshje. Ndaj Skënderbeut është gjithmonë një rrezik konstat dhe golin e gjen në një mënyrë mjeshtërore. Këtë javë shkodranët duhet t'I falen "këmbëve" të një shkodrani.

Besar Musolli (Kukësi): Kukësi mori një fitore të thellë 4-0 ndaj Teutës ku 3 gola u shënuan me penallti. Kapiteni I skuadrës, Besar Musolli tregon se mosha për të është thjesht një numër. Është lideri I mesfushës dhe fiton pothuajse çdo dyluftim ndaj kundërshtarëve të tij.

Idi Batha (Tirana): E kishte parandjerë golin dhe arriti ta shënonte. Ndez derbin me golin e tij të parë dhe është një nga lojtarët më të mirë në fushën e lojës. Vrapon pafund dhe fiton çdo dyluftim në mesfushë e shpërblehet me gol në derbi duke u bërë lojtari I parë shqiptar që shënon në 'Air Albania Stadium".

Agustin Torasa (Tirana): Shumë herë në qendër të kritikave për paraqitjet e tij. Në derbi luan në rolin e tij të preferuar dhe trajneri Lerda nuk e kuptoi fare çfarë pozicioni kishte në fushë. Shumë I lëvizshëm, jep një asist fantastik për Bathën dhe është gjithmonë rrezik për mbrojtjen e Partizanit. Ndoshta një nga ndeshjet e tij më të mira me bluzen e Tiranës.

Saliu Guindo (Bylis): Bylis ngec në Vlorë me një barazim 2-2, por Guindo vazhdon të jetë nga lojtarët më të mirë te skuadrës. Shënon dy gola dhe përmbys rezultatin, por në fund ekipi I tij del me një pikë nga kjo transfertë. Me pozicion e ri në fushën e lojës, pas sulmuesit të parë duket se ka gjetur veten dhe tashmë në Ballsh po "lind", një tjetër Piter Olaynka.

Teko (Laçi): Laçi arriti të merrte një fitore të thellë ndaj Luftëtarit. Një ndeshje e lehtë në letër duke parë gjendjen që po kalon skuadra gjirokastite. Pas golit të parë të shënuar, gjithçka u bë më e lehtë për kurbinasit. Teko ishte një nga më të mirët në fushën e lojës. Shënon dy gola dhe vulos fitoren e thellë. Braziliani nga ndeshja në ndeshje po tregon rritje të vazhdueshme dhe në Laç presin shumë nga ai.

Winful Cobbinha (Tirana): Është padyshim "heroi", i Tiranës. Shënon golin e fitores në minutën e 90-të dhe thyen një "ters", që zgjaste prej më shumë se 5 vitesh. Shumë i lëvizshëm në fushën e lojës dhe nga tifozët do të mbahet mend gjatë pasi ishte ai që theu dominimin e kuq prej 5 vitesh.

Bajram Nebihu (Flamurtari): Flamurtari merr një pikë shprese ndaj Bylisit dhe ishte pikërisht Nebihi që në minutat e fundit barazon ndeshjen. Një performancë e mirë e skuadrës vlonjate që me shumë halle arrin të luajë futboll. Lojtari kosovar është kthyer në një titullar fiks për Flamurtarin dhe në fund I jep një pikë të rëndësishme vlonjatëve.

Vasil Shkurtaj (Kukësi): Është kthyer në një nga lojtarët kryesor të këtij Kukësi e një gjë të tillë e ka konfirmuar edhe vetë trajneri Duro. Shënon dy gola ndaj Teutës dhe nga penalltia tregohet tepër I saktë. Në sulm së bashku me Gavazaj dhe Abazaj kuptohet shumë mirë dhe nga ndeshja në ndeshje po krijojnë një 3-she të frikshme e tashmë rivalizon Nuabuezen për "Këpucën e Artë".

Trajneri: Emanuel Egbo (Tirana): Drejtuesit e klubit I besojnë atij një ndeshje të rëndësishme siç është derbi. Nuk punon prej kohësh si trajner I parë që nga koha kur drejtont Bylisin, por eksperienca nuk I mungon. Vendos lojtarët në pozicionet natyral, punon nga ana psikologjike gjithë javën dhe në fund "thyen", dominimin e Partizanit që zgjaste prej më shumë se 5 vitesh. Një meritë të madhe e ka edhe Egbo padysim e ndoshta Tirana e ka në "shtëpi", njeriun e duhur për të drejtuar ekipin.