Janë bërë publike formacionet zyrtare të ndeshjes mes Partizanit dhe Salzburgut. Trajneri italian Adolfo Sormani ka hedhur në fushë një ekip mjaft sulmues teksa mungesa e vetme nga formacioni i zakonshëm është Batha në mesfushë. Hoxha do ta fillojë titullar në portë ndërsa mbrojtja me katër me Ibrahimin në të djathtë, Krasniqi dhe Arapi në qendër dhe Kalari në të majtë. Qendra e mesfushës do të mbahet nga Trashi dhe Ramadani ndërsa në krahë do të jenë Vila dhe Torasa. Fili do të bëjë sulmuesin e dytë në mbështetje të Ekuban. Të gatshëm do të jenë Xhika, Vatnikaj, Batha, Bardhi, Hasa, Volash dhe Atanda.
