Erzeni – Dinamo është takimi i parë dhe i vetëm që do të luhet ditën e sotme. Ky takim është i vlefshëm për javën e 4-të të “Abissnet Superiore” dhe do të startojë në orën 16:00.
Një duel ku pritet të jetë i luftuar dhe vë përballë dy ekipet që synojnë 3 pikët. Shijakasit ende nuk kanë provuar shijën e fitores dhe ndaj “Bluve” do të tentojnë të rrëmbejnë 3 pikët e para të sezonit.
Ndërkohë nga krahu tjetër vjen pas fitores me Kukësin dhe ndaj shijakasve do të tentojë një tjetër 3 pikësh. Luigi Di Biagio do të luajë në këtë sfidë pa dy titullarë. Rustem Hoxha dhe Andoni mungojnë për arsye dëmtimesh, ndërsa nga krahu tjetër Alfed Deliallisi ka skuadrën e plotë.
Të dy timonierët kanë zgjedhur 11-tëshen e tyre titullare që do të zbresin në fushën e “Egnatia Arena”.
Formacionet zyrtare:
Erzeni: Hasanbelli, Alba, Sadiki, Atanda, Osmanllari, Maliqi, Kahrimanovic, Peposhi, Zeka, Mihana, Meçja. / Trajner: Alfred Deliallisi
Dinamo: Rexhepi, A.Marku, Behiratche, Samake, Prodani, Krasniqi, Lorran, Denisson, Zabërgja, Kaçori, Vila. / Trajner: Luigi di Biagio
Lexo gjithashtu
