Ndryshimet te Kukësi përveç pankinës, tashmë do të përfshijnë dhe organikën e lojtarëve. I pari i larguar është Erik Flores. Brazilianit i është komunikuar se nuk do të jetë më pjesë e skuadrës, pasi ai ka kaluar një problem në gjurin e këmbës dhe i duhet kohë për t'u rikuperuar.
Flores kthehet pas gjashtë muajsh në fushë, ndërsa klubi e cilëson shpenzim të tepërt mbajtjen e tij. Por, ai ka bërë diferencën gjatë sezonit të shkuar dhe ka qenë një nga më aktivët në fushë duke e ndihmuar ekipin verilindor për të arritur shumë rezultate në ndeshje të ndryshme.
Megjithatë, pas komunikimit të largimit, Flores është kontaktuar nga gazeta "Panorama Sport" dhe ka thënë se nuk është paguar prej dy muajsh. "Kukësi ka dy muaj që nuk më paguan, ndërsa mua më duhen para për të bërë fizioterapi që të rikuperohem për të luajtur. Nuk jam larguar përfundimisht nga Kukësi, por po flas që të zgjidh këtë situatë".
Lexo gjithashtu
