Flet ish drejtori i Partizanit: Tirona dhe Superliga fitoi një derbi fantastik, kam një thirrje për tifozët e kuq

Dritan Dervishi ka folur në lidhje me vendimin më të fundit në lidhje me stadiumin “Selman Stërmasi”, i cili tashmë do të bëhet edhe “shtëpia” e Partizanit për dy fazat e ardhshme të Superiores. Në një prononcim për newsport.al, ish drejtori i të kuqve deklaroi:

“Partizani në Tiranë? Një lajm shumë i bukur për sportin në qytetin tonë. Duhet përgëzuar bashkia dhe dy presidentët. Të dy tifozëritë kanë fituar . Boll me sherre të kota. Në këtë qytet kemi lindur, në këtë qytet do të jetojmë. Duke bërë tifo, por kryesorja të mos humbim kulturën dhe respektin. Të bëjmë ashtu siç kanë bërë baballarët tanë. Tirona dhe Superliga fitoi një derbi fantastik. Gjithashtu kam një thirrje për tifozërinë  e kuqe: ‘Mos prekni asnjë stol në atë stadium, tregoni respekt dhe kulturë’ “, ka përfunduar për newsport.al, Dritan Dervishi.