Edmond Haxhia ka folur për Partizanin. Drejtori i përgjithshëm i klubit, në një intervistë për Supersport tregoi si kanë ndikuar dëmtimet tek të kuqtë dhe çfarë pritet në këtë merkato dimërore. Haxhia nuk harroi të përmendte Mazrekajn, Sukajn apo afrimin më të ri, Bonifacen.
“Mazrekaj do të jetë blerja më e madhe e Partizanit nëse do të vijë në formën e tij optimale. Me të forcohet shumë linja e sulmit. Për t’i dhënë më të mirën skuadrës duhet të shënojmë dhe në po punojmë që trajneri të ketë sa më shumë sulmues në dispozicion. Kemi menduar të forcojmë skuadrën në sulm dhe këtë e bëmë me Boniface, ndërsa për Sukaj dihen vlerat dhe mendoj se do të na ndihmojë që të arrijmë te titulli”, tha ai.
Më tej shtoi që 3 lojtarë janë objektiv i Partizanit në këtë merakato dimërore:
“Bregu, Shkodra dhe Telushi janë emra që do ta përforconin shumë skuadrën për vitin e ardhshëm”.
Ndërsa për sa i përket ndeshjeve të luajtura jashtë Tiranës, drejtori i kuq u shpreh:
“Ndryshe është kur luan në Tiranë, ndryshe është kur luan në Elbasan. Urojmë që bashkia dhe presidenti i Tiranës të na japin të drejtën të luajmë në stadiumin e Tiranës. Shpresoj të merremi vesh”.
