Flamurtari ka siguruar shërbimet e lojtarit të ri 19-vjeçar Sokol Ymeraj. Lajmi është bërë publik nga vetë klubi vlonjat në një postim në faqen zyrtare në Facebook.
Mesfushori i ri i lindur në Fier, ka nisur karrierën te ekipet e moshave të Apolonisë dhe Internacional Tirana, për të kaluar më pas në Gjermani te ekipi i Bonner SC. Tashmë talenti duket se ka hedhur hapin e madh të karrierës duke u bërë pjesë për herë të parë i një ekipi A, pikërisht te kuqezinjtë e trajnerit Daja.
Ymeraj është pjesë edhe e Kombëtares shqiptare U-17 dhe U-19, ndërkohë që bëhet kështu një nga përforcimet më interesante të Flamurtarit në këtë merkato vere.
Loading ...
