Fitorja me Kukësin dhe Luftëtarin e ka shtuar më shumë oreksin e Flamurtarit për t'u renditur midis skuadrave më të mira të këtij sezoni. Vlonjatët janë të eturr për të marrë pjesë në kupat e Europës, por dhe titulli nuk është një objektiv i paarritshëm. Për të garantuar një ecuri sa më pozitive këtë sezon të ri, financuesit turq kanë vendosur të rrisin buxhetin për klubin kuqezi. Përsa i përket realizimit të objektivave për çdo lojtar është vendosur në kontratë që në rast kualifikimi në kupat europiane, futbollistët do të shpërblehen secili me 5 mijë €, në të kundërt lojtarëve u mbahet rroga e fundit. Nga ana tjetër është premtuar se do të ketë investime për rehabilitimin e fushës sportive në Pyllin e Sodës, por kryefjalë është dhe ndërtimi i një stadiumi të ri, e cila është shpallur prej kohësh nga administratori Idrizi. Flamurtari përballet në 16 shtator me Skënderbeun në Vlorë për të testuar seriozisht potencialin nëse është pretendent real për titullin kampion të Shqipërisë.
Lexo gjithashtu
