Hapësire reklamuese

Çështjet kryesore

SPORTMIX

Luiza Gega kthehet në atdhe, zbuloni fjalët e para të “Mbretëreshës” së atletikës

Shkruar nga NEWSPORT

Nënkampionia e Europës në atletikë ka arritur mbrëmjen e djeshme në Tiranë. Fjalët e para të saj për mediat në aeroportin e Rinasit kanë qënë këto:

[caption id="attachment_15337" align="alignleft" width="300"]gega flamur Gega pas arritjes së vendit të dytë në garën finale[/caption]

“Jam shumë e emocionuar nga kjo pritje që më bëtë. I isha afruar shumë herë medaljes, por ndoshta fati nuk ka qenë me mua. Është shpërblimi i një pune të palodhshme me trajnerin tim Taulant Stërmasi. Tani shkojmë në Olimpiadë me një emocion tjetër dhe më të motivuar. Objektivi im i parë është arritja në finale dhe besoj se do t’ia dal”, u shpreh Gega.

Ka folur gjithashtu edhe sportisti shkodran Izmir Smajlaj, i cili u rendit i 8-i në këtë Kampionat Europian në kërcim së gjati.

“Në këtë kampionat Europian e arrita objektivin, por tani shpresoj të kem sukses edhe në Olimpiadë, duke kaluar 8 metrat. Suksesin ia dedikoj trajnerit tim që ka sakrifikuar shumë që unë të arrij në këto nivele”, tha Smajlaj.

Për ta mbyllur me deklaratat foli edhe Presidenti i Federatës së Atletikës, Gjergj Ruli, i cili shprehu krenarinë e tij që drejton një federatë ku bëjnë pjesë 2 sportistë të shkëlqyer si Gega dhe Smajlaj.

“Luiza Gega është mbretëresha e Atletikës Shqiptare dhe na dhuroi medaljen e parë ndërkombëtare. Unë kam shumë besim edhe te Izmir Smajlaj, që është një talent i jashtëzakonshëm. Unë besoj se ai brenda një kohë të shkurtër do të shpallet kampion e botë, sigurisht nëse do të ketë vullnet dhe impenjimin e duhur”, ishin fjalët e Rulit.

Tags:

SPORTMIX

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga