Milani fitoi ditën e sotme në shtëpi përballë Empolit, ndeshjen e vlefshme për javën e 28-të të kampionatit italian. Sfida e zhvilluar në stadiumin “San Siro”, përfundoi me fitoren minimale 1-0 të kuqezinjve, golin për të cilët e shënoi Pulisic në minutën e 40’.
Pas kësaj sfide ka folur edhe trajneri i Milanit, Stefano Pioli. Tekniku italian shprehet i lumtur me fitoren dhe lojën që të tijët zhvilluan, por mendon se duhet të shënonin më shumë.
“Ne luajtëm një ndeshje që duhej ta luanim fiks ashtu. Menaxhuam topin dhe krijuam mundësi, është turp që kemi shënuar vetëm 1 gol. Ne nuk rrezikuam asgjë, disa lojtarë më pas patën mundësi të merrnin minuta në këmbë”, u shpreh fillimisht Pioli.
Fitore 1-0?
“Nëse nuk arrin të dyfishosh epërsinë, duhet të qëndroni në lojë pakëz mbrojtëse deri në fund. Është një javë e rëndësishme për ne, fitorja e sotme do të thotë të nisësh në mënyrën e duhur. Më pas kemi ndeshjen me Slavian të enjten, që është mjaft thelbësore.”
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
