Milani ka triumfuar në shtëpi përballë Sassuolos në ndeshjen e vlefshme për javën e 18-të të Serie A. Sfida e zhvilluar në stadiumin “San Siro” përfundoi me fitoren minimale 1-0 të kuqeznijve.
Golin e vetëm në këtë takim e shënoi Pulisic në minutën 59’. Një fitore mjaft e rëndësishme për Milanin që e mban akoma në garë për titull.
Pas ndeshjes ka folur trajneri i kuqezinjve, Pioli. Ai ka folur dhe për Europa League si objektiv, ndërsa është kompetitiv si kompeticion sepse ka skuadra si Bayer Leverkusen dhe Liverpool.
Një fitore për Piolin?
"Jo, kjo është fitorja e skuadrës, e një grupi që nuk është dorëzuar kurrë para vështirësive në të gjitha sezonet e mia si trajner i Milanit. Një grup që mendon se shoku i tyre i skuadrës në Milanello është më i miri që mund të kishin. Për kompaktësinë, për kohezionin, ky është një ekip i madh. Thuhet se këtu nuk ka lider, por lider është grupi. Thjesht duhet ta vendos në kushtet më të mira, fizikisht dhe mendërisht."
Cilat janë objektivat e Milanit?
Europa League duhet të jetë sigurisht një objektiv. Pavarësisht skuadrave shumë të forta, si Bayer Leverkusen apo Liverpool, nuk mendoj se jemi aq larg. Europa League bëhet edhe më kërkuese se Liga e Kampionëve, por ne duhet të përpiqemi absolutisht, me shpresën për të pasur një grup të plotë në dispozicion, sepse të luash shumë do të përfshijë një shpenzim shumë të lartë të energjisë fizike dhe mendore."
Lexo gjithashtu
