Sergio Junuior është mesfushori me tipare sulmuese që nënshkroi dje me korçarët. Ai u bë pjesë e skuadrës, ndërsa u përfol rreth një muaj më parë që ai do të ishte pjesë e kontigjentit të trajnerit Andrea Agostinelli. Zyrtarizimi i tij është bërë dje nga klubi bardhekuq, ndërsa sot do të dalë në stërvitje me grupin.
Ai flet për herë të parë pas firmës me Skënderbeun, ku në faqen e klubi ai iu është përgjigjur disa pyetjeve dhe tregon se është i lumtur që ka nënshkruar.
– Sergio ke nënshkruar tashmë për Skënderbeun, cili është opinioni juaj i parë për ekipin?
Jam shumë i lumtur që nënshkrova për këtë klub, sigurisht është ekipi më i mirë në Shqipëri dhe jo vetëm. Këtu jam pritur shumë mirë nga futbollistët dhe stafi. Është ambienti i duhur për të dhënë maksimumin.
– Duke e njohur grupin e lojtarëve, a besoni se Skënderbeu mund të fitojë titullin e shtatë radhazi?
Skënderbeu ka një grup lojtarësh mjaft cilësore dhe mbi të gjitha grupi është i bashkuar dhe optimist ndaj besoj se do ta fitojmë titullin. Shpresoj të kontribuoj sa më shumë për arritjen e objektivave sezonale.
– Pozicioni juaj ideal në fushë?
Më pëlqen të luaj si sulmues i dytë por mund të jap maksimumin tim edhe në të dy krahët e mesfushës, gjithsesi këto janë zgjidhje të trajnerit, Un jam këtu për të dhënë më të mirën nga vetja.
– Cili është mesazhi juaj për tifozët?
Kam dëgjuar që Skënderbeu ka një tifozeri të zjarrtë. Ju premtoj të gjithëve se do të jap maksimumin tim për të fituar kampionatin por dhe ‘zemrat’ e tifozëve.
Lexo gjithashtu
