Sevilla fitoi për herën e 7-të në histori trofeun e Europa League. Trajneri i spanjollve, Jose Luis Mendilibar është shumë i lumtur për këtë sukses. Për timonierin ishte trofeu i parë , teksa pas ndeshjes foli edhe për të ardhmen e tij.
Si është të jesh kampion? “Nuk e di nëse e besoj akoma, por kështu është. Morëm trofeun, na dhanë medaljet dhe duket se kemi fituar, apo jo? E imagjinoj që kur të bëjmë pushimet do të filloj të mendoj për atë që kemi bërë”.
Ndeshja? “E nisëm keq, duke luajtur me këmbë, pa kërkuar hapësirë, pa krosime, ata luajtën rehat sepse ishin gjithmonë afër. Dhe në pjesën e dytë ndryshuam, kemi qenë më agresivë, kemi bërë më shumë krosime, kemi shkel në më shumë zonë e kështu me radhë”.
“Pothuajse asgjë nuk është luajtur në kohën shtesë, topi ka qenë i palëvizshëm gjatë gjithë kohës, një dëmtim, një ndryshim… Por, ne ishim të suksesshëm me penallti dhe morëm çmimin”.
Montiel ishte gjuajtësi i katërt apo i pestë? “E kishim shumë të qartë se kush mund të gjuante, pastaj duhet t’u themi se kë duan të gjuajnë. E vërteta është se ata kanë qenë të gatshëm dhe kanë pranuar urdhrin. Montiel në fillim ishte i pesti, por më pas kanë ndërruar mes tyre. Do të qëllonin ata që kanë qëlluar, por rendi është ndryshuar në një moment”.
Dëshironi të vazhdoni te Sevilla? “Po, jam shumë rehat këtu, e kam thënë gjithmonë. Do të jem rehat edhe nëse nuk e ofroj veten, por me djelmoshat kam qenë i mrekullueshëm, ata e kanë marrë shpejt atë që kam kërkuar. Më dhanë atë qe i kam thënë, është bashkim shumë i mirë që e kemi pasur, do te ishte fëmijërore të mos vazhdoj”.
Mendoni se do t’ju ofrojnë rinovimin? “Ndoshta ndoshta…”.
Lexo gjithashtu
