Është e çuditshme, por e vërtetë! "Ylli" i Liverpulit, Roberto Firmino është zbuluar në një lojë kompjuterike.
Ai që e pranon një gjë të tillë është vetë zbuluesi i talentit brazilian, Drejtori i Hofenhaimit, Lutz Pfanenstiel.
Në një intervistë për "TalkSport", ai ka deklaruar se për të zbuluar Firminon përdori lojën e famshme kompjuterike, "Football Manager".Skuadra e Bundesligës 1 e transferoi brazilianin për 3.5 milion paund, por më pas e shiti atë te Liverpuli për 30 milionë paund.
25-vjeçari që është grumbulluar edhe me kombëtaren e Brazilit po shkëlqen me Liverpulin dhe është një nga lojtarët kyç për skemat e trajnerit Jurgen Klop.
"Firminon, unë dhe kolegët e mi e gjetëm në 'Football Manager' dhe më pas e transferuam te Hofenhaimi", ka deklaruar Drejtori i klubit gjerman, i cili sqaroi: "Në fillim, na u duk pak e lartë shifra me të cilën e morëm, sepse të paguash 3.5 milion paund për një 17-vjeçar, nga liga e dytë në Brazil, është sigurisht një risk më vete.
Por, në fund e shitëm 30 milionë paund. Ishte një investim i goditur".
Lexo gjithashtu
