Në intensitetin e ngjarjeve të djeshme në "Elbasan Arena", ku në sfidën Partizani-Skënderbeu 0-0 u dhunuan tifozët e kuq nga ana e policisë, nuk munguan akuzat dhe kundër-akuzat nga klubi kryeqytetas dhe i Drejtorisë së Policisë së Elbasanit.
Por, një foto-fakt e publikuar nga gazetari sportiv, Jeton Selimi në profilin e tij në Facebook tregon një pjesë të intensitetit të ngjarjes në momentin kur forcat speciale ushtrojnë dhunë ndaj tifozëve të Partizanit. Në foto duket qartë se stolat e tribunës ku ishin vendosur fansat e kuq në "Elbasan Arena" nuk janë të shkulur, ndërsa uniformat blu përdorin gazin lotsjellës në drejtim të njerëzve.
Klubi i Partizanit akuzoi forcat e rendit se ushtruan dhunë barbare në mënyrë të pakuptimtë ndaj tifozëve të kuq, në momentin kur këta të fundit nuk ishin duke bërë asnjë anormale, por po mbështetnin ekipin e tyre në tribunën ku ishin vendosur.
Nga ana e Drejtorisë së Policisë së Elbasanit u bë me dije përmes një njoftimi zyrtar për shtyp se tifozët e Partizanit ishin të dehur, thyen stolat dhe tentuan të futeshin në fushën e lojës.
[caption id="attachment_50056" align="alignnone" width="548"]
Postimi i gazetarit sportiv Jeton Selimi ne Facebook[/caption]
Lexo gjithashtu
