Këto janë orë ankthi për skuadrat e kualifikuara në çerekfinalen e Champions League. Interi, Milan, Napoli, Reali, Manchester City, Bayern Munich, Chelsea dhe Benfica janë skuadrat që do të mësojnë se me cilin kundërshtarë do të përballen në këtë fazë.
Shorti i këtij kompeticioni do të hidhet ditën e sotme në orën 12:00 si gjithmonë në Nyon të Zvicrës. Duke qenë se Champions ka hyrë në fazën më spektakolare të tij edhe goglat pritet të në rezervojnë “finale” të parakohshme në këtë turne.
Çerekfinalet do të luhen më 11/12 prill dhe 18/19 prill, ndërsa gjysmëfinalet e planifikuara për 9/10 maj dhe 16/17 maj. Finalja do të luhet në Stadiumin “Olimpik Atatürk” në Stamboll të shtunën më 10 qershor 2023.
Më pas, në orën 13:00, do të hidhet shorti për të mësuar përballjet e radhës në Europa League. Skuadrat e kualifikuara në Europa League të cilat do të ndeshen në çerekfinale janë Juventus, Manchester United, Sevilla, Leverkusen, Union Saint Gilloise, Sporting, Roma dhe Feyenoord.
Ndërsa Conference League, do të hedhë shortin e saj në orën 14:00. Skuadrat e kualifikuara janë AZ Alkmaar, Gent, West Ham, Basel, Fiorentina, Nice, Lech Poznan dhe Anderlecht
Lexo gjithashtu
