Franca u eliminua mbrëmjen e djeshme nga Spanjë në gjysmëfinalen e Euro 2024. “Furia e Kuqe” triumfoi 2-1 ndaj “Gjelave” dhe në këtë mënyrë spanjollët i japin fund aventurës së francezve në këtë turne.
Menjëherë pas humbjes ka nisur të flitet shumë për të ardhmen e trajnerit Didier Deschamps. Në lidhje me këtë ka folur presidenti i Federatës Franceze të Futbollit. Philippe Diallo pavarësisht eliminimit nga Euro 2024 ka konfirmuar në stol Deschamps, teksa është shprehur se ka besim tek aid he nuk shikon ndonjë arsye për ta larguar.
“Unë nuk shoh ndonjë arsye për të vënë në pikëpyetje kontratën e tij. Rezultatet e mëparshme flasin në favor të saj dhe objektivat janë arritur. Didier do të vazhdojë misionin e tij. Ne do t’i diskutojmë gjërat së bashku në ditët në vijim për të analizuar më në thellësi atë që kemi humbur gjatë kësaj gjysmëfinaleje dhe çfarë do të na kishte lejuar të shkonim më tej”, ka deklaruar kreu i FFF-së.
View this post on Instagram
Lexo gjithashtu
