Krah mbrojtësit, Di Lorenzo para mediave foli edhe Gianluigi Buffon. Kreu i delegacionit të përfaqësueses së Italisë u shpreh se ky ekip po nënvlerësohet shumë. Madje, Buffon thekson se është pikërisht ky grup që në përbërje ka 4-5 lojtarë që janë më të mirët në botë.
“Për mendimin tim kjo është një kombëtare e nënvlerësuar ndoshta, por është një ekip shumë konkurrues. Para së gjithash më pëlqen që këta djem më befasojnë. Ndjenja që ata kanë për këtë fanellë dhe më pas qëndrimi që ato mbajnë është për t’u vlerësuar. Një qëndrim me përulesi dhe shpirt shërbimi duke u vënë në dispozicion të çdo trajneri.
Më pas mund të themi pa frikë që 4-5 futbollistë jan ndër më të mirët në Europë apo botë. Kështu, përveç një grupi të shkëlqyer ne gjithashtu kemi individualitetin për t’u siguruar që mund të bëjmë shumë”, është shprehur ish-portieri legjendar, Buffon.
Kujtojmë që edhe pak ditë na ndajnë nga ndeshja e parë e Shqipërisë në Euro 2024. Sfida e parë e kuqezinjve të Sylvinhos do të jetë më 15 qershor në orën 21:00 përballë Italisë, ndeshje e cila do të zhvillohet në stadiumin “Signal Iduna Park” të Dortmundit.
Lexo gjithashtu
