Franca u kualifikua me shumë fat në gjysmëfinalen e Euro 2024. “Gjelat” u përballën me Portugalinë, sfidë që përfundoi 0-0 pas 90-të minutave dhe vetëm pas gjuajtjes së penalltive u vendos që francezët të kalonin më tej.
Didier Deschamps foli pas kualifikimit ishte mjaft i lumtur, ndërsa analizoi edhe të tijtë. Ndër të tjera foli edhe për arsyen e zëvendësimit të Kylian Mbappe dhe mungesën e golave nga sulmuesit.
“Shumë e vërtet, kishim një rekord negativ nga penalltitë, por në fund ia dolëm dhe jam shumë i lumtur. Në korrikun e vitit 1998 ne fituam kundër Italisë, po në çerekfinale, por unë nuk gjuajta, Ka kaluar shumë kohë, atë edicion ne fituam kupën e botës, ndërsa dua të them që në këtë ndeshje ne eliminuam një kundërshtar shumë të fortë si Portugalia. Një skuadër e shkëlqyer, që na e bënë më të vështirë në kohën shtesë. Tani jemi në gjysmëfinale, duhet të argëtohemi, të luajmë lojën tonë sepse ende nuk e kemi treguar potencialin që disponojmë. Kur shoh tifozët që janë të lumtur me skuadrën është një burim krenarie për lojtarët e mi edhe për mua. Ne nuk dorëzohemi.
Mungesa e golave nga ssulmuesit? Natyrisht ka arsye të ndryshme që Antoine Griezmann dhe Kylian Mbappe nuk janë në krye të skuadrës, por ata janë aty për ne dhe ne jemi aty për ata. Të dy duhet të përmirësojnë efikasitetin përpara portës, gjë që në këtë rast nuk po arrijmë ta kemi. Por, ne jemi një grup i fortë, i bashkuar dhe i japim forcë njëri-tjetrit.
Zëvendësimi i Mbappe? Kylian është gjithmonë i sinqertë me mua dhe me grupin. Në momentin që ai e kuptoi se nuk ishte në gjendje të jepte maksimumin ne bëmë atë lëvizje. Ai ka pasur shumë problem si dhimbjet e shpinës, goditja në hundë, ai nuk është në maksimumin e tij, kjo është e gjitha”, ka theksuar timonieri i “Gjelave”.
Lexo gjithashtu
