Finalja e Euro 2024 mes Spanjës dhe Anglisë do të zhvillohet nesër në orën 21:00 në Olympiastadion të Berlinit. Sfida e vitit në futboll do të ketë edhe një minifinale brenda. Kjo pasi Harry Kane i britanikëve dhe Dani Olmo i iberikëve duelojnë për Këpucën e Artë të kompeticionit.
Secili ka nga 3 gola, së bashku me disa lojtarë të tjerë dhe janë të vetmit që mund ta thellojnë rekordin pasi luajnë në finale. Fnatazisti spanjoll u shpreh se ëndërrën të shënojë 3 gola në finale dhe të fitojë trofeun me Spanjën.
"Do të ishte një ëndërr të shënoja një hat-trick në finale dhe ta fitonim, padyshim. Anglia është një ekip që nuk dorëzohet kurrë, kjo është e sigurt. Ne duhet të jemi të përqendruar gjatë gjithë ndeshjes, pavarësisht nëse shkojmë prapa apo përpara”, tha Olmo në konferencën për shtyp.
Lexo gjithashtu
