Trajnerët e kombëtareve prej javësh tashmë kanë nisur të përpunojnë listën e tyre për Euro 2024. Nuk përjashtohet as timonieri i Spanjës, Luis de la Fuente. Ky i fundit u ka bërë tifozëve në premtim të madh para se të shpallë listën përfundimtare me lojtarët e grumbulluar.
De La Fuente ka theksuar se në kombëtare do të ketë një rikthim “Big” për finalet e Euro 2024. Bëhet fjalë për Iscon, i cili me Betis ka arritur të rigjejë formën e tij më të mirë. 62-vjeçari në intervistën për “Teledeporte” theksoi se ish-lojtari i Realit ka shumë cilësi dhe të gjithë e dinë kontributin e tij në kombëtare.
“Isco nuk ka qenë në kombëtare prej një kohe të gjatë, por e njohim dhe e dimë shumë mirë kualitetin e tij. Unë e deklaroj publikisht se jam një admirues i tij. Spanja ka fatin që në organikë të ketë shumë futbollistë të mirë, vendimin për lojtarët e grumbulluar do ta marrë pak më vonë. Por, i di të gjitha alternativat. Isco po bën shumë mirë, e meriton dhe ka mundësi që të jetë pjesë e kombëtares.
Unë shoh një Spanjë shumë të fortë për Europianin, jam një “gladiator” dhe nuk futem në luftë nëse nuk mendoj se do ta fitoj atë. Në do të luftojmë fortë për të fituar Europianin”, ka deklaruar 62-vjeçari.
Kujtojmë se Spanja ndodhet në grupin B së bashku me Italinë, Kroacinë dhe Shqipërisë. Pikërisht me kombëtaren shqiptare do të përballet më 24 qershor në orën 21:00 në stadiumin “Merkur Spiel-Arena, të Dyseldorfit”. Kjo do të jetë ndeshja e tretë e kuqezinjve në Euro 2024, ku fillimisht do të përballet me Italinë më 15 qershor dhe 4 ditë më vonë me Kroacinë.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
