Rodri do të jetë mungesa e madhe e Spanjës ndaj Shqipërisë. Ylli i Manchester Cityt u ndëshkua me karton të verdhë ndaj Italisë dhe në këtë mënyrë ndaj kuqezinjve do të jetë i pezulluar.
Kjo për shkak se spanjolli është ndëshkuar me karton të verdhë edhe në sfidën me Kroacinë dhe në këto kushte ka plotësuar numrin 2 të kartonëve të verdhe. Rregullat e UEFA-s për Euro 2024 thonë që nëse një lojtar merr 2 kartonë të verdhë skualifikohet për sfidën e ardhshme.
Ndërkohë Rodri mori kartonin e verdhe ndaj Kroacisë për arsye taktike, ndërsa ndaj Italisë “shkeli” një rregull. U bë lojtari i parë që shkon të flasë me arbitrin dhe në këtë mënyrë ai u ndëshkua, pasi një tjetër rregull i UEFA-s për Euro 2024 thotë që asnjë lojtar përveç kapitenit nuk do të mund t’i afrohet arbitrit të sfidës.
Përjashtim bëjnë rastet kur kapiten është portieri dhe një nga lojtarët e tjerë do të caktohet për të diskutuar me gjyqtarin. Kështu te Spanja kapiten është Alvaro Morata dhe zëvendës kapiten është Carvahal.
Lexo gjithashtu
