Sot do të luhen ndeshjet e radhës të kualifikuesve për EURO 2024. Teksa interesi i sportdashësve shqiptarë është përqëndruar maksimalisht te përballja e kuqezinjve me Poloninë, sonte në fushë do të zbresë edhe Kosova.
Dardanët do të luajnë kundër Helvetëve, një takim që vlen përtej rezultatit në fushën e blertë për shkak të përbërjes së ekipit zvicerian me shqiptarë.
Sakaq, po sot do të zhvillohen edhe gjashtë ndeshje të tjera. Në orën 15:00, Azerbajxhani do të luajë kundër Belgjikës. Në orën 18:00 janë programuar tre takime të tjera. Andora luan ndaj Bjellorusisë, Estonia ndaj Suedisë, ndërsa Ukraina kundër Anglisë.
Në orën 20:45 janë caktuar të zhvillohen ndeshjet e fundit të ditës së sotme. Maqedonia e Veriut luan ndaj Italisë, Kosova kundër Zvicrës dhe Rumania me Izraelin.
Lexo gjithashtu
