Sulmuesi i kombëtares shqiptare, Shkëlzen Gashi, tha se ndeshja hapëse e kuqezinjve për europianin Euro 2016, “Do të jetë si një ndeshje vëllazërore”. Kjo për shkak se në përbërjen e kombëtares helvetike luajnë 6 lojtarë me origjinë shqiptare Valon Behrami, Xherdan Shaqiri, Blerim Dzemaili, Granit Xhaka, Admir Mehmedi, Shani Tarashaj . Gashi gjithashtu është një nga lojtarët që ka lindur në Zvicër, por ai ndryshe nga patriotët e tij ka vendosur të përfaqësojë Shqipërinë.
“Ndeshja e parë do të jetë një moment tepër krenar për mua dhe të gjithë kombin tim,” tha Gashi.
Deklaratat e sulmuesit u bënë vetëm një ditë përpara ndeshjes me Zvicrën që do të zhvillohet të nesërmen në mesditë në orën 15:00.
