Erzeni është i vetmi ekip në Superiore që prej 4 javësh nuk njeh humbje, dhe kjo veç elementëve të ekipit është një meritë e plotë dhe e trajnerit Xhevahir Kapllani. Sfida e javës së 5 e gjen Erzenin përballë Laçit. Takimi që do të zhvillohet në Durrës do të jetë testi i radhës për të besuarit e Kapllanit.
Një nga faktorët kryesorë që shijakasit po bëjnë mirë është harmonia e grupit dhe stabiliteti në fushën e lojës. Erzeni ka mbi 9 lojtarë që numërojnë më shumë se 300 minuta të luajtura. Xhika, Perposhi, Iljazi dhe Sadiki kanë 360 minuta të plota ndërsa pas tyre vjen Kadriu me vetëm 1 minut më pak. Karasniqi, Kalberg, Kahrimanovviç dhe Mehmeti janë lojtarët e tjerë me më shumë minuta.
Ndaj Laçit dyshimi i vetëm i teknikut durrsak është Mehmeti pasi ka pësuar një dëmtim të lehtë në sfidën ndaj Partizanit dhe është stërvitur i individualisht. Fakt tjetër i rëndësishëm te shijakasit janë lojtarët brazilian, të cilët me golat e tyre kanë arritur të mbajnë ekipin në vendin e dytë.
Loading ...
