Ernest Muçi është talenti i rradhës që shpërthen te Legia e Varshavës. Sulmuesi shqiptar po shkëlqen me fanellën e gjigantëve polak dhe këtë sezon ka tundur plot 9 herë rrjetën duke bërë sezonin më të mirë në karrierën e tij deri tani edhe pse jemi vetëm në dhjetor.
Fantazisti kuqezi është kthyer në një idhull për tifozët të cilët shpeshherë brohorasin në kor emrin e 22-vjeçarit shqiptar. Ernest Muçi nuk është vetëm një superlojtar te Legia, por edhe një ‘brand’ dhe si i tillë, polakët presin të mbushin xhepat nga ai.
Jo vetëm në shitjen e kartonit, por Muçi thyen rekorde edhe me fanella. Bluza që ish-sulmuesi i Tiranës mban veshur gjatë ndeshjes bashkë me firmën e tij po shitet si më e shtrenjta në një ankand bamirësie në Poloni. Plot 152 euro është çmimi aktual i cili rritet minutë pas minute. Në vendin e dytë është kapiteni i Legias, Josue me 150 euro.
Lexo gjithashtu
