Elvis Plori tregon batutën e ditës: “Kur shihnim burra në Shkodër që kishin hall dhe qanin, thonim i ka humb Gjermania”

Shkodra ndër vite ka treguar se ka një tifozeri të “zjarrtë”, por gjithashtu në botëror janë mbështëtësit numër një të kombëtares Gjermane.

Kujtojmë këtu festat e bukura në qytetin e Shkodrës kur shumë tifozë dyndeshin në rrugët e qytetit për të brohoritur fitoret e Gjermanisë.

Në një deklaratë për “Shkodra Sport”, trajneri i Vllaznisë U-21, Elvis Plori ka treguar që tashmë ky trend ka ndryshuar. Të rinjtë në Shkodër nuk janë më tifozë të kombëtares gjermane.

Deklarata:

“Shkodra me Gjermaninë? Ka shumë tifozë gjermanë, por tani ka mbetur mosha më e madhe. Po të bësh krahasim me vitet e mëparshme, tani djemtë e rinj, pas viteve 2000, nuk janë më me Gjermaninë.

Ne kur kemi parë burra më para këtu duke qarë, që mund të kenë pasur hall të shkretët, ndoshta i ka ndërruar jetë babai i tyre, ne thonim i ka humbur Gjermania”.