Ekskluzive/Partizani-Bicaj, në mes janë 30 mijë euro

Mbrojtësi Ditmar Bicaj nuk është me Partizanin në Itali, ku të kuqtë po zhvillojnë fazën përgatitore. Ai është ende me pushime në Turqi, ndërkohë që edhe e ardhmja e tij nuk është e qartë. nga burime konfidenciale për newsport.al mësohet se klubi i kuq i detyrohet futbollistit 30 mijë euro dhe, nëse do të likuidohet me këtë shumë, Bicaj do ta vazhdojë karrierën e tij te Partizani. Në rast të kundërt, mbrojtësi ka të drejtë ta prishë kontratën dhe të kalojë në një ekip tjetër. Kohët e fundit ka pasur jo pak kontradikta mes futbollistit dhe klubit kryeqytetas, madje në një rast Bicaj ka dalë hapur, duke sulmuar edhe ish-trajnerin Agostineli për qëndrimin në stol. Ditët në vazhdim do të qartësojnë të ardhmen e mbrojtësit, pasi për momentin me Partizanin e ndajnë 30 mijë euro. Emri i Bicjat është përfolur shumë edhe për kalimin në skuadra të tjera, si te Skënderbeu apo Flamurtari.