E premtja e 2 dhjetorit 2022 është një datë që do të kujtohet gjatë në memorien e shqiptarëve dhe serbëve. Në ndeshjen e fundit të fazës së grupeve në Botërorin e Katarit, Zvicra do të përballej me Serbinë dhe sytë ishin të gjithë të drejtuar nga shqiptarët Xhaka e Shaqiri, të cilët edhe një herë tjetër arritën t’i kthenin në shtëpi me kokën ulur serbët.
Në fund të ndeshjes, festa ishte e gjitha për “Helvetët” por nuk kishte sesi të mos bashkoheshin shqiptarët, që në fakt dukej sikur po luante Shqipëria e jo Zvicra. Tifozë të shumtë shqiptar kishin udhëtuar në Katar dhe gjatë ndeshjes është bërë virale një video e një vazje që bënte shqiponjën dykrenare me duar në mes të stadiumit. Vajza quhet Anila Mahalla dhe për Newsport.al, ajo tregon historinë e jetës së saj, dashurinë për flamurin dhe eksperiencën e saj të veçantë në këtë ndeshje.
-Fillimisht, na tregoni kush jeni. Ku jeni lindur dhe ku jetoni?
Unë jam Anila Mahalla, nga Ferizaj.
-Çfarë ju lidh kaq shumë me Shqipërinë dhe Kosovën?
Tradita familjare, gjyshin e kisha te persekutuar politik, i dënuar me 20 vite burg në ish-Jugosllavi, i plagosur rëndë në luftë kundër okupatorit serb, më 1946 në betejën e Mahallës. Frymëzimin e kisha edhe nga babai, ai ishte prezent ne lojën Shqipëri - Greqi më 2004 kur Shqipëria fitoi 2-1.
Në familjen tonë flamuri kombetar është i shenjtë. Po më kanë treguar vuajtjet prinderit e mi gjatë luftës së Kosovës kur unë isha 2 vjeç. Emrin ma vunë prinderit, ishin magjepsur nga një vajzë në Shqipëri kur ata e kishin vizituar Shipërinë më 1991.
-Ishit mbrëmë në stadium për ndeshjen e Zvicrës me Serbinë. Na përshkruaj pak emocionet e fillim takimit.
Atmosfera dritheruese nuk mund ta pershkruaj.
-A është e vërtetë që policia ju shoqëroi jashtë stadiumit?
Jo, sigurimi i stadiumit.
-Si u ndjetë në momentet kur shënoi Xherdan Shaqiri?
Po edhe shpertheu gjeni im , kjo esht me vogla qe mund thash kemi te njejtin xhen, me golin e Shaqirit.
-E kuptuat festën e shqiponjës me trup të Shaqirit dhe Xhakës?
Po si mos ta kuptoj. Festa e Shaqirit dhe Xhakes ka nje emer: Shqiponja dykrenare.
-Çfarë menduat në momentin kur Xhaka u kap i vetëm me gjithë serbët?
Kur Xhaka u kap me serbet, e dija që Xhaka është Lorik Cana i dytë, po shqipe jemi ne (Qesh).
-Po fanela e Jasharit në fundin e sfidës?
Fanela e Jasharit është simbolika e çdo shqiptari. Vërtetë krenari ka emri Jashari, e dimë kush ishin Jasharët. Lavdi për jetë e mot. /NEWSPORT.AL/
Lexo gjithashtu
