Ditën e sotme duke nisur nga ora 13:00 do të marr jetë java e 16 e Kategorisë Superiore. Katër takime do të zhvillohen në mesditë, ndërsa sfida përmbyllëse e kësaj jave do të jetë ajo e "Selman Stërmasit", ku Tirana do të presë Flamurtarin në orën 16:00. Newsport.al mëson ekskluzivisht edhe arbitrat kryesorë që do të vendosin drejtësinë në pesë përballjet e kësaj jave.
Ndeshja e Durrësit mes Teutës dhe Partizanit i është besuar Olsid Ferhatit, ndërsa përballja mes Vllaznisë dhe Kukësit në "Loro Boriçi", një emri të njohur siç është Kridens Meta. Këtë javë vërehet mungesa e Juxhin Xhajës dhe Enea Jorgjit. I pari e bëri "baltë" javën e kaluar, teksa akordoi tre penallti në ndeshjen Kukësi 4-0 Teuta, sipas specialistëve dy prej tyre nuk qëndronin. Mbase FSHF ka marrë masat duke e pezulluar arbitrin. Më poshtë gjyqtarët e ndeshjeve të sotme.
Kategoria Superiore, java 16 / Arbitrat
13:00
Luftëtari vs Skënderbeu / Blerim Ziri
Vllaznia - Kukësi / Kridens Meta
Bylis - Laçi / Eldorian Hamiti
Teuta - Partizani / Olsid Ferhati
16:00
Tirana - Flamurtari / Lever Alla
Lexo gjithashtu
