Erion Xhafa do të jetë trajneri i ri i Dinamos U-19. Burime të besueshme pranë klubit dinamovit bëjnë me dije për newsport.al që ish-mbrojtësi i njohur do të marrë drejtimin e 18-herë kampionëve të Shqipërisë për moshat. Eksperienca e 39-vjeccarit ka bindur drejtuesit e Dinamos për t’i besuar një nga skuadrat kryesore të Akademisë.
Kujtojmë që Xhafa ishte para dy sezonesh ndihmës trajner te Tirana, ku arriti të fitonte titullin kampion me bardheblutë. Prej kohësh ka qenë pa skuadër, ndërsa së fundmi në skenë ka dalë një nga ekipet elitë të futbollit shqiptar që pritet t’i besojë rolin e trajnerit për U-19. /Newsport.al/
Loading ...
