Ish-trajneri i Shqipërisë Astrit Hafizi kritikoi ashpër trajnerin e Kombëtares dhe lojtarët për mungesën e ideve të qarta në lojë dhe organizimin e dobët.
Për "Supersport", ai theksoi se Shqipëria u mposht nga Turqia, që bëri lojë mediokre.
"Po e përsëris. Panucci ta shpjegojë këtë lojë se çfarë shkoi dhe nuk shkoi, E kam shumë të vështirë ta shpjegoj. Edhe grumbullimet i bën të papritura dhe s'na lë kohë të gjykojmë.
Është përgjegjësi e përgjithshme. Të vjen keq që ne nuk e kishim formën e mirë, të merrnin 3 pikë. Turqia luajti futboll mediokër. Te goli lojtarët duhet të kuptojnë që nuk pasohet brenda në zonë kur ke kundërshtarin. Calhanoglu vrapoi 40 metra. Panucci duhet të punojë me organizimin e lojës, duhet të bëjë skema në stërvitje.
Kemi marrë 55 lojtarë në 2 vite. Edhe pjesën e parë finalizimi ishte i dobët. Gjuajmë kot, i bie kot. Grezda mban topin për qejfin e tij. Ky nuk është ekip kombëtar", përfundoi Hafizi.
Lexo gjithashtu
