Ekdal sulmon Kielinin: Në fushë është një derr!

Në vigjilje të ndeshjes Itali-Suedi vijnë disa deklarata provokuese. Dhe priteshin më shumë nga italianët, sepse shquhen për të tilla gjëra, por në fakt vjen nga kampi suedez. Ish-lojtari i Juventusit dhe Kaljarit, Albin Ekdal, ka vënë në shënjestër mbrojtësin Xhorxho Kileni, duke thënë se në fushën e lojës është një derr: “Si njeri Kieleni është shumë i mirë, por në fushë ai bëhet vërtet një derr. Në jetë ai është një person i jashtëzakonshëm, kurse futbolli e transformon. I pëlqen të bëjë skena dhe të ngatërrojë gjyqtarët. Një sjellje klasike italiane, është një ngatërrestar”, – janë fjalët e mesfushorit. Ndërkohë, italianët i druhen yllit të skuadrës suedeze, Zllatan Ibrahimoviçit, për ndeshjen që nis pas pak.