Teuta vazhdon prej ditësh përgatitjet për startin e kampionatit, ku do të udhëtojë në Kukës për t’u përballur me verilindorët, takim i vlefshëm përjavën e 13-të Abissnet Superiores. Por përpara këtij dueli, djemtë e detit do të zhvillojnë një ndeshje miqësore ditën e sotme ndaj skuadrës së Kategorisë së Parë.
Në miqësoren e parë do të vihet përballë Besëlidhjes, me sfidën që do të zhvillohet në “Tropikal” të Durrësit, duke nisur që nga ora 11:00. Një duel ky që është i pari për Edi Martinin në rikthimin në stolin e durrsakëve, ndërsa do të ketë mundësinë të shikojë edhe gjendjen e lojtarëve pas pushime.