Akordi është arritur dhe ajo që mbetet është vetëm zyrtarizimi.
Kaleb Ekuban, sulmuesi që shpërtheu në rradhët e Partizanit është gati për një eksperiencë të re. 27-vjeçari ka arritur akordin me Xhenoan për të firmosur në Seria A, që do ishte një rikthim i tij në Itali.
Ekipi i Serisë A ka gjetur gjuhën e përbashkët me lojtarin dhe mbetet akordi me Trabzonspor, që pritet të përfitojë nga kjo shitje rreth 2 milionë euro plus bonuse. Ekuban luajti në 33 ndeshje me skuadrën turke në sezonin e kaluar, ku shënoi 11 herë dhe dha 4 asiste.
Sulmuesi është një zbulim i Kievos, teksa ky transferim do të ishte një tjetër kulmim në karrierën e futbollistit që erdhi më parë në Superiore duke mbajtur veshur fanellën e Partizanit, për t'u kujtuar si një prej sulmuesëve të huaj më të mirë që ka mbërritur në futbollin tonë.
Lexo gjithashtu
