Siç të gjithë e dimë, kushtet janë tejet të vështirë në sportin e Kosovës, që detyrojnë sportistët të bëjnë edhe punë të tjera për përfitime materiale që nuk ua ofron sporti. Portieri i Prishtinës, dhe i Përfaqësueses së Kosovës, Edon Gashi, punon edhe si berber, ku fiton shumë herë më shumë sesa si sportist.
Madje bën diçka të mirë, qeth të gjithë tifozët, hendbollistët e tjerë, futbollistët dhe trajnerët.
“Në hendboll kushtet janë të vështira, por dëshira dhe vullneti na kanë shtyrë të merremi me hendboll. Shpresojmë gjithmonë se do të bëhet më mirë, por situata mbetet e njëjtë, mirëpo dëshira e madhe nuk na ka lënë ta lëmë këtë sport. Është vështirë të angazhohem me dy puna. Por me kohë kam filluar të adaptohem, tashmë me lokalin tim personal është më e lehtë. Shpeshherë më ka ndodhur të vonohem në punë, pasi nuk është e lehtë. Por, fatmirësisht klientët janë të kuptueshëm dhe më presin”, ka thënë Gashi për “Zërin”.
